Կենտրոնական ընտրական հանձնաժողովը հրապարակել է «Կենտրոն» համայնքի ղեկավարի ընտրության արդյունքները: Կենտրոնում թաղապետի պաշտոնի համար պայքարում էին գործող թաղապետ, հանրապետական Գագիկ Բեգլարյանը և ընդդիմության թեկնածու, «Կենտրոնի» նախկին թաղապետ Արարատ Զուրաբյանը:
Ըստ ԿԸՀ տվյալների` Գագիկ Բեգլարյանը հավաքել է 22369 ձայն, իսկ Արարատ Զուրաբյանը` 8085:
Հիշեցնենք, որ երեկ ամբողջ օրվա ընթացքում Արարատ Զուրաբյանի նախընտրական շտաբը ահազանգում էր ընտրախախտումների մասին, որոնք, ըստ ընդդիմության ներկայացուցիչների, տեղի են ունեցել պարբերաբար:
Նշենք նաև, որ, ինչպես և Նոր Նորք համայնքում, ընտրություններին մասնակցած անձանց թիվը չափազանց փոքր է եղել` աննշան գերազանցելով 30 տոկոսը: Այսպես` գրանցված և քվեաթերթիկ ստացած քվեարկության մասնակիցների թիվը, ըստ ստորագրությունների, կազմել է 31691, այնինչ ՏԸՀ-երին հատկացված քվեաթերթիկների թիվը եղել է 91000:
Այլ տեխնիկական արդյունքներ.
Մարված (չօգտագործված, ոչ ճիշտ լրացված և հետ վերադարձված) քվեաթերթիկների թիվը` 59304
Անվավեր քվեաթերթիկների թիվը` 1117
Օգտագործված քվեաթերթիկների ելունդների թիվը` 31716
Վավեր քվեաթերթիկների թիվը` 30454
Սահմանված նմուշի քվեարկության ծրարների թիվը` 31568
Հայ Ազգային Կոնգրեսը նախապես հայտարարել ու դիմել էր Երեւանի քաղաքապետարան սեպտեմբերի 26-ին հանրահավաքի եւ երթի իրազեկմամբ: Քաղաքապետարանը անհիմն ու շինծու պատճառաբանությամբ կրկին մերժել է այդ հայտը: Այս անգամ հանրահավաքի հիմնական լեյտմոտիվը լինելու էր Կենտրոն համայնքի թաղապետի ընտրությունը: Ուստիեւ, միաժամանակ, նույն օրվա համար, իր նախընտրական քարոզչության շրջանակներում, ընտրողների հետ հանդիպում-հանրահավաք անցկացնելու համար քաղաքապետարան էր դիմել նաեւ Կենտրոն համայնքի թաղապետի` Հայ Ազգային Կոնգրեսի թեկնածու Արարատ Զուրաբյանը: Քաղաքապետարանը, այս անգամ խախտելով նաեւ Ընտրական օրենսգիրքը, մերժել է նաեւ այդ հայտը: Մեզ համար անընդունելի են այդ մերժումները, ինչով խախտվում են ՀՀ քաղաքացիների սահմանադրական եւ Մարդու իրավունքների հռչակագրով ամրագրված իրավունքները: Մենք իրացնելու ենք մեր իրավունքները եւ սեպտեմբերի 26-ին մենք անցկացնելու ենք հանրահավաքը:
Սիրելի հայրենակիցներ,
Մենք որեւէ կերպ առիթ չենք տալու սադրանքների, բայց նաեւ հնարավորություն ունենք վարչախմբի կոշտությունները, մասնավորապես` հանրահավաքների ապօրինի արգելումը փոխհատուցել այս պայմաններում շատ կարեւոր դարձած մի խնդրի լուծմամբ: Դա Երեւանի Կենտրոն համայնքի թաղապետի ընտրություններում հաղթանակի արձանագրումն է: Դրա համար Հայ Ազգային Կոնգրեսը եւ նրա թեկնածու Արարատ Զուրաբյանը ունեն բոլոր հնարավորությունները: Հաղթանակը շատ կարեւոր հոգեբանական նշանակություն կունենա եւ էականորեն կփոխի ոչ միայն ներքին քաղաքական եւ հոգեբանական մթնոլորտը, այլեւ, կարճ ժամանակում, նաեւ ուժերի հարաբերակցությունը: Չենք կասկածում, իհարկե, որ իշխանություններն այս անգամ էլ կփորձեն օգտագործել ապօրինությունների իրենց զինանոցը, սակայն վստահ ենք նաեւ, որ բավարար են նաեւ մեր ուժերը` այդ ապօրինությունները սանձելու, դրանց ազդեցությունը նվազագույնի հասցնելու եւ քվեարկության իրական արդյունքներն արձանագրել տալու համար: Այդ հնարավորությունը չի կարելի չօգտագործել: Ուստիեւ, նկատի ունենալով Կենտրոն համայնքի թաղապետի ընտրությունների ձեռք բերած բացառիկ քաղաքական կարեւորությունը, Հայ Ազգային Կոնգրեսը ամբողջ հանրապետությունում իր բոլոր կողմնակիցներին կոչ է անում.
Կապվեք Կենտրոն համայնքում ապրող ձեր բարեկամների, հարազատների, ընկերների ու ծանոթների հետ ու հորդորեք նրանց մասնակցել սեպտեմբերի 28-ի թաղապետական ընտրություններին ու ձայն տալ Կոնգրեսի թեկնածու Արարատ Զուրաբյանին:
Այցելեք թաղապետի մեր թեկնածուի նախընտրական շտաբներ եւ առաջարկեք ձեր օգնությունը:
Մասնակցեք Արարատ Զուրաբյանի նախընտրական հանրահավաքին, որը տեղի կունենա ՍԵՊՏԵՄԲԵՐԻ 26-ին, ժամը 18-ին ՀՅՈՒՍԻՍԱՅԻՆ ՊՈՂՈՏԱՅՈՒՄ:
Հիշեցնենք, որ Սեպտեմբերի 28ին Երևանի Կենտրոն համայնքում տեղի կունենան թաղապետի ընտրություններ.Հայ Ազգային Կոնգրեսից առաջադրված է ՀՀՇ կուսակցության նախագահ` Արարատ Զուռաբյանը :
Այսօր Երեւանի քաղաքապետարանը բավարարել է ընդդիմության հայտը` սեպտեմբերի 15-ին Մատենադարանի մոտ հանրահավաք անելու վերաբերյալ: Հետաքրքիր է, որ նախկինում քաղաքապետարանը միշտ մերժել է նմանատիպ բոլոր հայտերը, այդ թվում եւ սեպտեմբերի 12-ի հանրահավաքի հայտը:
Ինչպես արդեն քաջ հայտնի է Արշակ Բանուչյանը ` Մատենադարանի փոխտնօրենը ազատ է արձակվում, ուստի սիրելի գնդեցիներ, վաղը առավոտյան ժամը 8:00 հավաքվում ենք Իսահակյան արձանի դիմաց, որպեսզի ուղևորվենք դիմավորելու Արշակ Բանուչյանին և բոլորս շնորհավորենք մեր սիրելի, անկրկնելի գնդեցի Ծովինար Բանուչյանին իր հայրիկի ազատ արձակման կապակցությամբ
Հուլիսի 25-ին, ժամը 18.00-ին, տեղի է ունենալու բողոքի ակցիա` ի պաշտպանություն քաղբանտարկյալնե րի: Բողոքի ակցիան կկայանա ՀՀ գլխավոր դատախազության շենքի առջև: Ակնկալվում է բոլորի մասնակցությունը :
Հուլիսի 18-ին, ժամը 14.00-ին, տեղի է ունենալու բողոքի ակցիա ի պաշտպանություն քաղբանտարկյալների: Բողոքի ակցիան կկայանա ՀՀ գլխավոր դատախազության շենքի առջև: Ակնկալվում է բոլորի մասնակցությունը:
Մենք` համաժողովրդական շարժման շուրջ համախմբված երիտասարդներս հայտարարում ենք. Հավատարիմ մնալով Համաժողովրդական շարժման ոգուն և 1-ին ու 2-րդ կոնգրեսներում արտահայտված դիրքորոշմանը` ամբողջապես սատարում ենք Շարժմանը և պատրաստ ենք պայքարի մինչև հաղթանակը: Լինելով Հայաստանի Հանրապետության անկախության առաջին սերունդը և անկախության գաղափարի կրողը` համարում ենք, որ մենք ենք մեր երկրի տերը և պնդում ենք, որ մեր երկրի իշխանությունը պետք է ձևավորվի բացառապես ժողովրդավարական ճանապարհով, և միայն ու միայն ՀՀ քաղաքացին է, որ պետք է իր որոշիչ դերն ունենա այդ գործընթացում: Փաստելով, որ 2008թ. փետրվարի 19-ի նախագահական ընտրություններում և հետագա գործընթացներում ամբողջապես անտեսվել է ՀՀ քաղաքացու դերը և ընտրությունների ելքը որոշվել է ներկայիս ապօրինի վարչախմբի անմիջական միջամտությամբ, պահանջում ենք արտահերթ նախագահական և խորհրդարանական ընտրություններ: Մարտի 1-ին ՀՀ իշխանությունների անմիջական պատասխանատվությամբ տեղի ունեցած ոճրագործությունից հետո ստեղծված իրավիճակը, 100-ից ավելի քաղաքական բանտարկյալների և քաղաքական դրդապատճառներով հետապնդվողների առկայությունը, խոսքի ազատության սահմանափակումը, “ՀՀ երթեր, ցույցեր, հանրահավաքներ անցկացնելու մասին” օրենքում կատարված խայտառակ բռնապետական փոփոխությունները բացառում են Հայաստանի` որպես իրավական և ժողովրդավարական պետություն զարգացման, օրենքի գերակայության և սահմանադրական կարգի վերականգնման համար: Հայաստանի Հանրապետության շահերից ելնող և ՀՀ քաղաքացիների պահանջներին համապատասխանող ԵԽԽՎ 2008թ. 1609 բանաձևի պահանջները մինչև օրս մնում են անկատար և կրում են զուտ իմիտացիոն բնույթ: ՀՀ իշխանությունների կամայականությունները, մասնավորապես` հունիսի 20-ին կայանալիք հանրահավաքի ապօրինի չարտոնելը, ևս մեկ անգամ ապացուցում են, որ ոչ մի քայլ չի կատարվում ստեղծված լարվածությունը թուլացնելու համար և ժողովրդին` խաղաղ հանրահավաքների միջոցով սեփական կարծիքն արտահայտելու հնարավորություն տալու ուղղությամբ: Ուստի, հիմք ընդունելով այս ամենը` պահանջում ենք իրական քայլեր կատարել վերը թվարկված խնդիրների շուտափույթ լուծման համար:
Զգուշացնում ենք, որ զարգացումների ոչ ժողովրդավարական ընթացքը հղի է անկանխատեսելի հետևանքներով, որոնց ամբողջ պատասխանատվությունն ընկնելու է ՀՀ ներկա իշխանությունների, մասնավորապես` Սերժ Սարգսյանի և նրա կամակատարների վրա:
Կոչ ենք անում Հայաստանի Հանրապետության բոլոր քաղաքացիներին իրենց ոգում կոտրել վախի զգացումը, վերագտնել ազատության շունչը և հետևողական պայքար մղել իրենց իրավունքների համար:
Ուստի, պայքար, պայքար մինչև վերջ:
Հայաստանի ժողովրդական կուսակցության երիտասարդական կառույց
“Հանրապետություն” կուսակցության երիտասարդական կառույց
“Ժառանգություն” կուսակցության երիտասարդական կառույց
“Նոր ժամանակներ” կուսակցության երիտասարդական կառույց
Գագիկ Ջհանգիրյանի դատավարությունը Կենտրոնի Նորք - Մարաշ դատարանում ժամը 11:30 սպասվում է ակցիա, բոլոր ուղղությունները դեպի Ռոսիա տոնավաճառի դիմացի դատարանը:
Երեւանի քրեական դատարանն այսօր փոխել է Վարդան Ջհանգիրյանի խափանման միջոցը, կալանքը փոխարիներով քաղաքից չբացակայելու ստորագրությամբ: Վարդան Ջհանգիրյանը մեղադրվում էր իշխանության ներկայացուցչի նկատմամբ բռնություն գործադրելու մեջ:
ՀՀ գլխավոր դատախազ Աղվան Հովսեփյանն այցելել է« Երեւան-Կենտրոն ՔՀԿ և ընդունել ՀՀ ԱԺ պատգամավորներ Մյասնիկ Մալխասյանին, Սասուն Միքայելյանին, Հակոբ Հակոբյանին, ինչպես նաեւ Գագիկ Ջհանգիրյանին եւ Արարատ Զուրաբյանին:
Իրականում Գագիկ Ջհանգիրյանը որևէ ընդունելություն չի խնդրել, իսկ 2008թ. հունիսի 11-ին քրեակատարողական հիմնարկի աշխատակիցները նրան հրավիրել են աշխատասենյակներից մեկը, որտեղ նոր միայն Գագիկ Ջհանգիրյանը տեսել է Աղվան Հովսեփյանին և տեղեկացել, որ նա ցանկություն ունի հանդիպելու իր հետ:
Քաղբանտարկյալների ընտանիքներին օգնելու նպատակով «Սասուն» ջոկատի ազատամարտիկ, առաջին կարգի հաշմանդամ Արշավիր Բոզինյանը բացել է հաշվեհամար: Ովքեր կցանկանան օգնել քաղբանտարկյալների ընտանիքներին, կարող են փոխանցել իրենց գումարները հետեւյալ հասցեով. Արդշինինվեստբանկի Հրազդանի մասնաճյուղ, Արշավիր Սուրենի Բոզինյան, հաշվեհամար` 247 640 037 245 0010: Անանուն մնալ ցանկացող նվիրատուներին առաջարկում ենք դիմել Ժիրայր Սեֆիլյանին (հեռ. 094 407609) կամ Կարապետ Ռուբինյանին (հեռ. 093 900915): Նվիրատուներին կտրվի ստացական` Արշավիր Բոզինյանի ստորագրությամբ: