Մեր խորագրի անցած շաբաթվա «հերոսը» «Միասին» շարժումն է, որի շարքերում համախմբված «կոմսոմոլները» օրեր առաջ կուրծք էին ծեծում` ապացուցելու համար, որ Հայաստանում կրիմինալ չկա, հետեւաբար` Ռոբերտ Քոչարյանն ու Սերժ Սարգսյանը սրբեր են:

Դավաճանությունը կրեդո դարձրածները

Այսպիսի` «վերեւից» ուղղորդվող երիտասարդական շարժումներ գործում են գրեթե բոլոր ավտորիտար երկրներում: «Միասին»-ը Պուտինի ստեղծած «ԹՎպրՑպ»-ի հայկական տարբերակն է:

Թե՛ Մոսկվայում, թե՛ Երեւանում պալատական երիտասարդները կատարում են վարչախմբերի ամենակեղտոտ պատվերները: Օրինակ, նորաթուխ «Միասին»-ը ոչ միայն խոսում է ընդդիմության դեմ, այլեւ հայտնի է նաեւ նրանով, որ մի գռեհիկ հայտարարություն էլ արել է Մեծ Տանն Կիլիկիո Արամ Կաթողիկոսի դեմ` Հայաստանի վարչախմբի հասցեին նրա ասած մեկ-երկու «կծու» խոսքի համար:

Ի դեպ, շատ հետաքրքիր է այս կազմակերպության կազմը: «Միասին»-ը ծնվել է Հայաստանի երիտասարդական կուսակցության ընդերքում, որի նախագահ Սարգիս Ասատրյանն առավոտյան մասնակցում է «Հակակրիմինալ»-ի նիստերին, իսկ երեկոյան` «մերկացնում» կրիմինալի դեմ խոսողներին: Կարծիք կա, որ այս երիտասարդը դատախազ Աղվան Հովսեփյանի կամակատարն է:

Մյուս «կարկառունները»` Վահան Բաբայանն ու Էդգար Հակոբյանը, հասցրել են դավաճանել երկուական կուսակցությունների: Դեռեւս ամիսներ առաջ սրանք «կոմսոմոլի» հավակնություններ ունեին ընդդիմադիր դաշտում եւ բարձրագոչ հայտարարություններ էին անում Քոչարյանի դեմ, այսօր օգտվում են նրա տված փշրանքներից: Իրավ որ` «Միասին»-ը մարդկային նկարագիր չունեցող, դավաճանությունը կրեդո դարձրած մի քանի բախտախնդիր երիտասարդների նախաձեռնություն է:

Հիշենք նրանց