| Դա այդպես չէ: Դա սխալ է: Ոստիկանությունը ժողովրդին վրա չի կրակել: Դա Ռոբերտ Քոչարյանն է երազում իր ոճրագործությունը բարդել ոստիկանների վրա: Այսինքն՝ նա կրկնակի ստորություն է գործում. առաջինը կրակել է. իսկ երկրորդը՝ իր հանցանքը բարդում է ուրիշների վրա: Ես ամենայն պատասխանատվությամբ հայտարարում եմ՝ ոստիկանությունը ժողովրդի վրա չի կրակելՙ: Տեր-Պետրոսյանը վստահ է, որ մարտի 1-ին ժողովրդի վրա չի կրակել նաեւ բանակը. ՚Այդ դեպքում դուք կարող եք հարց տալ՝ ո՞վ է կրակել: Սա շատ փորձված մեթոդ է, որը Ռոբերտ Քոչարյանից առաջ կիրառել են երիտթուրքերը Օսմանյան Թուրքիայում եւ կիառել է Հիտլերը՝ Գերմանիայում: Այսպիսի ստոր արարաքների համար միշտ օգտագործվել են քրեական տարրերը եւ վարձու մարդասպանները: Երիտթուրքերը Հայոց ցեղասպանությունից առաջ բանտերից ազատեցին բոլոր մարդասպաններին, բոլոր քրեական հանցագործներին եւ կազմեցին հատուկ ջոկատներ, որոնք իրականացրեցին Հայոց ցեղասպանությունը:
Նույնը կատարեց Հիտլերը Գերմանիայում. նա բանտերից ազատեց բոլոր հանցագործներին եւ մարդասպաներին, որոնց կազմած հատուկ ջոկատները իրականացրեցին հրեա ժողովրդի ցեղասպանությունը կամ, ինչպես ասում են ողջակիզումը՝ Հոլոքոստըՙ: Տեր-Պետրոսյանը որեւէ տարբերություն չի տեսնում երիտթուրքերի, Հիտլերի եւ Ռոբերտ Քոչարյանի ձեռագրերի միջեւ. ՚Նույն բանը կատարել է Ռոբերտ Քոչարյանը; Այդ մարդասպանները քրեական տարրեր են, նախկինում բազմիցս դատված: Մենք նաեւ գիտենք, թե որ շրջանակներից են ընտրված՝ դրանց մի մասը Ղարաբաղից են, իսկ մյուս մասը մեր հայտնի օլիգարխների սափրագլուխներն են: Եւ թող վստահ լինեն, որ նրանցից ոչ մեկը չի խուսափելու պատասխանատվությունից: Ես ուզեցի այս ճշտումը կատարել, որպեսզի մեր ժողովրդի մեջ որեւէ դժգոհություն կամ ատելություն չառաջանա դեպի մեր ոստիկանությունը, դեպի մեր բանակը: Նրանք, այո, կատարել են հրամաններ՝ մահակներով, բայց ժողովրդի վրա չեն կրակելՙ: Տեր-Պետրոսյանն այսօր վստահեցրեց, որ ոստիկանների եւ բանակի 90 տոկոսն այսօր կիսում է այն բոլոր հույզերը, որոնցով ժողովուրդը տառապում է:
| 
