|
Գյումրիում այսօր ժամը 17-ին նախատեսված ընդդիմության հանրահավաքը սկսվեց մոտ 45 րոպե ուշացումով: Հանրահավաքի կազմակերպիչները որոշեցին սկսել ուշացումով` հաշվի առնելով այն հանգամանքը, որ կառավարության որոշմամբ այսօր աշխատանքային օր է:
Հանրահավաքին մասնակցելու համար Գյումրիի Թատերական հրապարակ են եկել ոչ միայն գյումրեցիներ, այլեւ Անիի, Ախուրյանի, տարածաշրջանի տարբեր գյուղերի, նաեւ այլ մարզերի բնակիչներ: Մի մասը եկել է սեփական մեքենաներով, մյուս մասը` ՚Գազելներովՙ, իսկ մոտակա գյուղերի բնակիչները` ոտքով:
Երբ ժամանեց Լեւոն Տեր-Պետրոսյանը, մարդիկ ծափահարություններով դիմավորեցին նրան: Ի դեպ, վերջինս Գյումրիի ճանապարհին կանգ էր առնում եւ շփվում գյուղերի բնակիչների հետ:
Հանրահավաքի բացումն ազդարարեց ՚Հանրապետությունՙ կուսակցության քաղխորհրդի անդամ Սուրեն Սուրենյանցը, որն էլ վարում է հանրահավաքը:
| 
